FURKA - Recently Updated Pages

Фото галерија

petar — Mon, 24 Dec 2007 14:15:03 CST




Влезот на Фурка	Патот кој води до Фурка
Ишљамка (Генералова Чешма)	Горна Чешма
Дрварски Пат	Игралиштето каде Борец ги игра своите натпревари
Касарната во Фурка	Највисоката точка на висорамнината Фурка
Предел од околината	Велкова Чешма
Панорама на Фурка	Патот кој води до касарната
Фурската пошта	Секојдневието на Фурчани
Првото кафуле во Фурка	Кафе Бар "Аерчето"

Историја на Фурка

petar — Mon, 24 Dec 2007 14:01:22 CST

Според историските извори Фурка постои многу одамна, најмалку 1000 години, во кои секогаш ја делело судбината со цела Македонија. Во литературата најрано се спомнува како дел од Самуиловото Царство. Имено, според д-р Стјепан Антолјак Фурка било местото каде, откако биле заробени на Беласица, биле доведени Самуиловите војници и биле ослепени. Оваа теорија се поткрепува со претпоставката дека името на селото потекнува од грќкиот збор „фурка“ - губилиште. Сепак, ова тврдење се смета за неточно.
Многу повеќе се знае за селото за време на турската окупација на земјата. Тука треба да се напомене дека порано Фурка се наоѓала на 2,5 км северно од денешната. Тоа била населба од збиен тип, со неколку анови и фамилии, сместена на патот Скопје - Солун и на патот кој ги поврзувал Албанија и Цариград. Ваквата местоположба подразбира дека поминувале многу луѓе кои отседнувале во фурските анови. Меѓу нив и австрискиот конзул Хан, кој во своето дело „Патување по текот на Дрина и Вардар“, ќе напомене дека „селото Фурка Ан е многу прочуено место на јужниот крај од една клисура, на половина час од Валандово“.
Во Османлиската административна поделба селото било дел од Ќустендилскиот санџак, Бојмиска нахија, Дојранска каза, а на феудалниот господар Јусуф - спахија му носела годишен приход од околу 3000 акчиња.
Во овој период, односно во 1530 година Фурка за прв пат се спомнува како дервенџиско село. Тоа значи дека луѓето освен со полјоделство и сточарство се занимавале и со дервенџиство, односно ја презеле одговорноста да го чуваат патот Дојран - Валандово, кој миинува низ Дервенската Клисура на чиј јужен крај се простирала старата населба Фурка, од разбојниците карактеристични за анархијата во Турската Империја. На стража секој ден одел по еден маж од секоја фамилија. Оттаму и тврдењето на некои историчаро дека во одреден период на името Фурка бил придодаден и називот Дервен.
Понатаму, во 1573 година Фурка се спомнува како голема населба од 100 домаќинства и 50 неженети. Не е познато како за толку краток период од само 43 години (1530 - 1573) толку многу се зголемил бројот на жители во селото. Во истиот, селаните на спахиите Али и Мурат им плаќале 8667 акчиња. Фурка се спомнува и во пописот од 1700 година, повторно како дел од Бојмиската нахија, со годишен приход за спахиите од 4660 акчиња.
Во XVIII век дервенџиите веќе не можеле да ја спречат големата наезда на турски разбојници (башибозук). Тоа ги натерало селаните на најрадикалниот чекор - исселување од селото. Според легендата, тројца калуѓери патувајќи од Штип за Солун застанале да премоќат во ановите. Но, биле фатени од разбојници и биле убиени над селото на местото Колникот. Селаните, исплашени, почнале да се исселуваат на висорамнината над селото акде им биле трлата. Од стара Фурка денес нема речиси никави остатоци, освен двете селски чешми Дервенска и Дилирова. Сега тоа место се нарекува Аниште, се рабира, поради тоа што стара Фурка била позната по ановите.
Била основана нова населба, со истото име. Луѓето брзо почнале да создаваат услови за нормален живот. Продолжиле да се занимаваат со полјоделство и сточарство. Во овој период била изградена и црква на заштитникот на Фурка, Свети Илија, во 1878 година. Оттогаш Илинден се слави како празник на селото.

Извор: Печат на едно време - Никола Стојанов

About Us

petar — Wed, 05 Sep 2007 16:22:28 CDT

Author of the textes - Petar Todorovski

Photos - Ice Kocev

За нас

petar — Sun, 26 Aug 2007 16:34:40 CDT

Автор на текстовите на овој сајт - Петар Тодоровски

Фотографии за овој сајт - Ице Кочев

За Фурка

petar — Sun, 26 Aug 2007 16:25:41 CDT

Фурка е село во југо-источниот дел на Македонија. На запад од реката Вардар, преку Пугана и Габрошка Река, а на исток од Дојранската Котлина, селото лежи на висорамнина од 21 км2. Се наоѓа некаде во средината на замислениот триаголник помеѓу Дојран, Богданци и Валандово. Се наоѓа на надморска височина од 350м, а највисокиот врв е на 456м. Околу селото има повеќе ритчиња, составени главно од песоклива почва и гранитни карпи. Каде што е тоа можно, луѓето го користат земјиштето за лозарство и овоштарство, а помалку и за други гранки. Во Фурка живеат околу 1000 жители, сите со македонско потекло и православна христијанска вероисповест. Ова село е дел од општината Дојран, едно од најпопуларните туристички места во државата.

Постојат повеќе тврдења за тоа како селото го добило името. Според народните преданија старото Фурка (кое се наоѓало 2,5 км од новото, денешно Фурка) имало форма на кириличната буква Ф и на фурка за предење. Во некои дела на познати историчари, пак, се тврди дека името потекнува од некои странски зборови. Според едни, „фурка“ на грчки значи губилиште (според наводното ослепување на Самуиловите војници на ова место). Според други името води потекло од турскиот „фурсат“ - што значи лоши луѓе. Имено, познато е дека селаните не дозволиле да се населат Турци во селото. понатаму, се знае дека во определен период му бил придодаден и називот Дервен, поради функцијата што ја имало. Денес, се уште не е сосема јасно од каде потекнува името.

*извор: Печат на едно време - Никола Стојанов

History of Furka

petar — Mon, 14 May 2007 11:52:03 CDT

According to historical sources Furka exist a long time ago, at least 1000 years. Through the history it always lived the same destiny with whole Macedonia. First mention of Furka in literature is the theory of Stjepan Antoljak. By him in Furka had been blinded the soldiers of Samuil, after were captured on the mountain Belasica. As we already said, this theory is considered as incorrect. A lot more facts are known for the period of Turkish occupation of the country. We'd mention that Furka then had been settled 2,5km north from the town of today. That was a village in condensed form, with a few hostelries and 50 families, on the road Skopje - Solun (Thessaloniki) and the road between Istanbul and Albania. This locality means that a lot of people passed through the village and stopped to spent the night in well known Furka quarters for the night. In 1530 Furka for a first time is mentioned as a derven town. That means that except with agriculture, people were occupied with dervening - they had taken the responsibility to keep the road Valandovo - Dojran, on which Furka was settled, from Turkish rebels, characteristic fro the period of anarchy in Turkish Empire. At the derven place, one member (man) of every family had been on guard every day. Therefore, some historians have opinion that on the name Furka, for a few decades was added the name "derven". In 1573 Furka is known as a big town with 125 families and 50 not married. It's still unknown how for such short period (only 43 years) the number of inhabitants has grown so much. One of the most important moments of history of Furka had happened in the second half of XVIII century, when people started to move from old Furka and settled the new town, furka of today, 2,5km north from the old. By the legend, three monks who passed trough Furka stopped to spent the night in on of the hostelries, but they've been brutally killed by Turkish rebels. Even the derven guard didn't do their job worse than before, people were scared of the frequently attacks and started to move on the height. Location of old Furka today is called Anishte (hostelries). People didn't loose time and started to create conditions for normal life. They continued with agriculture. Then in 1878 was built new church Sveti Ilija (Saint Elijah).

Source: Pecat na edno vreme - Nikola Stojanov

English version - introduction

petar — Mon, 14 May 2007 11:50:44 CDT

Furka is town in the south-eastern part of Macedonia, it is situated in the center of the imagined triangle between Bogdanci, Dojran and Valandovo, 10km far from Dojran. Eastern of the river Vardar, Pugana and Gabroska Reka, and western of Dojran basin it is settled on height of 21 km2, on attitude above sea-level of 350m, but the highest peak is on 456m. All around the town there are a few little heights, composed of sandy soil and rocks of granite. On the places where it's possible people use the soil for vine growing or fruit growing, and less for other. Today in Furka are living about 1000 people, all of them Macedonians and Orthodox Christians. Furka is part of municipality of Dojran, which is one of the most popular touristic places in Macedonia.

Source: Pecat na edno vreme - Nikola stojanov